Гімн лесаводаў

ГІМН  ЛЕСАВОДАЎ

Словы  Анатоля  Зэкава                                                        Музыка  Леаніда  Шурмана

Жыццё  ідзе,  жыццё  бяжыць,

Ляціць  наперад  без  аглядкі.

Сыходзім  мы,  а  лесу  жыць

І  вабіць  хараством  нашчадкаў.

 

                              ПРЫПЕЎ

                              Няма  найлепшае  красы,

                              Чым  лесу  роднага  акраса.

                              Не  толькі  росцім мы лясы –

                              Расцем  і  самі  з  імі  разам.

 

У  шчаслівы  час  і  ў  час  бяды,

У  якіх  бы  ні  былі  мясцінах,

Дадому  кліча  нас  заўжды

Зялёная  краса  Айчыны.

 

                              ПРЫПЕЎ

                              Пад  пошум  соснаў  і  бяроз

                              Мы  тчэм  жыцця  свайго  аснову.

                              І  слова  “лес”,  і  слова  “лёс”

                              Сугучны  ўсё  ж  невыпадкова.

 

Жыццё  ідзе,  жыццё  бяжыць,

Стралой  мільгаюць  дні  за  днямі.

А  нам  без  лесу  ўжо  не  жыць,

Бо  ў  нас  урос  ён  каранямі.

 

Шумяць  бары,  шумяць  гаі

І  навяваюць  прахалоду.

Удзень  і  ўноч  свой  вечны  гімн

Лясы  спяваюць  лесаводам.